«Garapen Agentziak Mankomunitate izaera izan beharko luke, eta ez Bilduk proposatzen duen txiringitoa»

Azken egunetan bi prentsaurreko izan dira Buruntzaldeko Ga­ra­pen Agentziaren inguruan; bata EAJ alderdiak ema­na, eta bes­tea Burun­tzaldeko Udalek eskainia. Horiei erantzunez, eta beraien iritzi eta asmoak azaltze aldera, pren­tsaurrea eman zu­ten atzo, An­doainen, Burun­tzal­deko PSE-EE alderdiko kideek.
Sarreran azaldu zutenez, Buruntzaldeako udalak lanean ari dira eskualdeko Ga­rapen An­gentzia sortzeko. So­zialisten ustez, premiazkoa da erabakiak lehenbailehen hartzea: «langabezi tasa altua da eskualdeko herrietan, eta egoera hori konpontzen saiatu behar gara. Horrek ez du esan nahi, PSE-EE alderdiak edozein proposamen onartuko duenik; eta are gutxiago, interes partidistan alde egiten duen proposamenik».

«Zergatik presa?»
Bilduk irabazi asmorik gabeko elkarte bat sortu nahi duela azal­du zuten atzo, eta gerora aztertu zein figura juridiko izango duen: «ezin dugu proposamen hori onartu. Bi urte lanean ari­tu eta gero, ezin dugu ulertu zergatik orain dena korrika eta presaka egin nahi duten. Zein da presa? 8 hilabete barru hau­tes­kundeak datozela eta gehiengoak aldatu daitezkeela? Hor­re­gatik proposatzen al du izaera juridiko hori 8 hilabete barru aztertzea?».

«Garapen agentziak ezin du interes partidistarik izan»
Alderdi sozialistaren ustez, Ga­ra­pen Agentziak publikoa eta gar­dena izan behar du: «garapen agentziak ezin du int­eres par­tidistarik izan. Man­ko­mu­ni­tate bat sortu beharko litzake, or­ganismo ge­hienetan dagoen bezala. Idaz­kari eta diruzain kar­­guek izaera publikoa izan be­harko lukete, gardena, eta Uda­leko fun­tzionarioen esku dagoena. Eta ez Bilduk proposatzen du­en elkartea. Pro­po­sa­tzen du­te­­na da, kargu ho­rien ardura al­der­di politiko jakinetako zinego­tziek izatea, kontrolik gabe». Bes­te marra gorri bat ere pasa du­­tela dio PSE-EEk: «organo ho­rren barruan, Udaletako ordez­ka­riak aukeratzeko bi modu ere eman ditu Bilduk: alkatea eta plenoak aukeratutako bat; edo D’Hont legea oinarri hartuta, bi hautagai aukeratzea. Bietako edo­zein aukeratuta, Bilduk ge­hien­goa izango luke. Man­ko­mu­ni­tatearen izaerarekin ord­ea, ez».
PSE-EEk argi utzi zuen ez datorrela bat proposamenarekin eta denen artean egin behar dutela lana, egoera sozioekonomikoa hobetzeko: «Agentzia bat sortzea ez da txirigito bat eraikitzea, 2015eko hauteskundeak hor daudelako. Eraikitzea da enplegua sortzeko gauzak egitea, PSE-EEk udal ezberdinetan egin duen moduan: lana sortzeko plana egin, iniziatiba ezberdinak aurkeztu...».