Bihar beteko da urtebete Ereñotzuko eta inguruko herritarrek Zepadiko putzua eraiki zutela, auzolanean. Hain zuzen, hori ospatuko da larunbatean.
Hitzaldia, panelen aurkezpena eta sariak
Urteurreneko ospakizunaren barruan, Aranzadi Zientzia Elkarteko Iñaki Mezquitak hitzaldia emango du, Burruntziak, uraren hegoak, 10:00etan Epeleko aterpean. 11:15etan Zepadiko putzua bera bisitatu eta jarri den panel informatiboa aurkeztuko da. Ondoren, 12:00etan, hamaiketakoa egin eta diplomak banatuko zaizkie putzuaren jarraipena egin duten Txirrita Eskolako umeei. Argazki lehiaketako sariak ere emango dira.