Atleta bikainak eman ditu Hernanik historian, tartean, Adarragatarrak. Herriak atletismoarekin duen lotura aspalditik dator, eta adibide garbia da azken urteetan hartu duen indarra.
Domina asko jantzi dituzte Hernaniko atletek azken hamarkadetan, eta marka asko ere lortu dituzte. Esfortzu haundia dago horren atzean, bai kirolariena, eta baita klub haundi batena ere. Txiki txikitatik hasi, eta heldutaraino, maila eta modalitate ezberdinetan aritzeko aukera dago Hernaniko taldean. Konpetitzen dutenak daude, eta baita afizioz kirola egitea gustuko dutenak ere.
Aurkezpen ofiziala, gaur
Udako geldialdiaren ostean, denboraldi berriari ekiteko gogoz dira guztiak. Asko entrenamenduekin hasi badira ere, Atletismo taldeak gaur antolatu du denboraldi berriko aurkezpena. Iluntzeko 19:30etan izango da, Gabriel Zelaiako 2garren lokalean.
Hernaniar guztiak, gonbidatuta
Aurkezpen irekia da, eta beraz, atletismoagatik interes bereziren bat duten hernaniar guztiak daude gonbidatuta.