Bete-betean sartu dira, Ereñotzun, Udazken Kulturalean. Hilaren hasieran Aranora igo ziren bizikletan, eta azarora bitartean beste hamaika ekitaldi antolatu dituzte. Gaur bertan, Eskalada musikatuak. Alpeak eta Pirineoak, irudi emanaldia eskainiko du Igor Irazustak, 19:30etan.
Larunbatean, Zepadiko putzuaren urteurrena ospatuko da. Goizeko 10:00etan Burruntziak, uraren hegoak hitzaldia emango du Iñaki Mezquitak. Ondoren, 11:15etan, putzua bisitatzeko aukera izango da, eta bertan jarritako panela aurkeztuko da. Segidan, 12:00ak inguruan, hamaiketakoa egingo da, eta diplomak banatuko zaizkie Zepadiko putzuari jarraipena egin dioten Txirrita Eskolako umeei. Argazki lehiaketako sariak ere banatuko dira.
Igandean, berriz, auzoko festa egingo da. Eta datozen egunetan, ekitaldi gehiago izango dira, azaroaren 8ra bitartean.
GAUR 15, ASTEAZKENA
19:30, ‘Eskalada musikatuak. Alpeak eta Pirineoak’ emanaldia.
URRIAK 18, LARUNBATA
10:00, Epeleko aterpean ‘Burruntziak, uraren hegoak’
hitzaldia eta erakusketa.
11:15, Zepadiko putzura bisita eta panelaren aurkezpena.
12:00, Hamaiketakoa eta diploma banaketa.
URRIAK 19, IGANDEA
17:00, Auzoko festa frontoian: sagardo dastaketa, gaztain erreak, azoka, patata tortilla lehiaketa...
URRIAK 22, ASTEAZKENA
19:00, ‘Elikaduraren eragina
osasunean’ hitzaldia.
URRIAK 23, OSTEGUNA
19:30, Mundua bizikletaz Asian.
URRIAK 24, OSTIRALA
22:00, pelikula.
URRIAK 25, LARUNBATA
11:30, Florencio Galdino
umeentzako ikuskizuna frontoian.
URRIAK 29, ASTEAZKENA
19:30, ‘Ereñotzu inguruko historia, toponimia eta saroiak’ hitzaldia.
AZAROAK 1, LARUNBATA
20:30, Bertso afaria Ur-Mia
elkartean Maialen Lujanbio eta
Unai Agirre bertsolariekin. Txartelak salgai Ur-Mia elkartean eta Irrintzi
tabernan 25 euroan.
AZAROAK 8, LARUNBATA
Egunpasa Sarako kobazuloetara. Irteera 09:30etan Ereñotzuko autobus geltokitik. Txartelak Auzo Udalean salgai.
ERAKUSKETA:
Urriaren 19tik 25era ‘Burruntziak, uraren hegoak’ Auzo-etxean.