Indartsu hasi du Hernanik, Emakumezkoen Euskal Liga. Tarte haundiarekin irabazi zioten atzo Eibarri (0-29), Unbe zelaian, eta erakutsi zuten maila badutela oraindik, jokalari asko galdu dituzten arren.
Berehala lortu zituzten aurreneko bi entseguak, 10garren eta 15garren minutuetan. Markagailuan 0-10 jartzeak lasaitasuna eman zien, Iñaki Larraren jokalariei: «beharbada, erlaxatu ere egin gara, eta Eibarrek lanak eman dizkigu», zioen entrenatzaileak, partidua bukatuta.
Defentsan, «oso ordenatuta»
Defentsari esker eutsi zioten hernaniarrek, Eibarren borrokari: «oso ordenatuta defenditu dugu, oso serio».
Egindako akatsak konpondu zituzten atsedenalditik bueltan, eta beste bi entsegu lortu zituzten. Erasoko bonusa ere lortuta, aldaketak egiteko aukera izan zuen Larrak.
Hortik bukaerara, gehiago presionatu zuten eibartarrek, baina ondo eutsi zuen Hernanik, eta kontraerasoan lortu zuen bosgarren entsegua.
Partidu garrantzitsua, taldea non dagoen jakiteko
Ligako talde ahulenetakoa da Eibar, eta hurrengo partidua izango da garrantzitsuagoa Hernanirentzat, non egon daitekeen jakiteko: La Unicaren kontra, Landaren.