Egun ederra izan zen atzokoa, Portu auzoan. Festa giroan, gelditu gabe egon ziren, ekintzaz ekintza, Portu Eguna ospatzeko.
Jaki goxoek izan zuten protagonismoa, goizetik eguerdira. Taloak prestatu zituzten haurrek, eta tortillak helduek. Tripa jaki goxoez betetzen jarraitu zuten auzo bazkariarekin, harik eta arratsaldean erromeria hasi zen arte.
Orduan, erritmo bizian jarri ziren dantzan, gorputzak astintzen, adin guztietako dantzari trebeak.