Nafarroako Justiziako Auzitegi Gorenak (TSJN), onartu egin du Goizuetako Udalak aurkeztutako helegitea ikurrinaren auziaren inguruan, eta ez du zigorra bete beharko. Udalak ikurrina paratu zuen udaletxean iazko festetan, Eman hitza Nafarroari, eman Euskal Herriari pankartaren ondoan eta Nafarroako Auzitegiak zigortu egin zuen, Nafarroako Gobernuaren salaketari erantzunez. Horren aurrean, Goizuetako Udalak helegitea aurkeztu zuen. Pablo Miranda alkateak azaldu du apelatzearen arrazoia izan zela, Nafarroako Gobernuak pauso bat saltatu izana. Nafarroako Sinboloen Legearen arabera, ikurrina kentzeko eskaera epaitegira jo aurretik egin behar zion Nafarroako Gobernuak Udalari, notifikazio bat iritsi behar zen, eta ez zuen egin. Auzitegi Gorenak aintzat hartu ditu azalpenak eta bere epaia definitiboa da; ezin da errekurtsorik aurkeztu.
Lehenenengo epaiak, kostak ordaintzera zigortu zuen Udala eta oraingo epaian ez dela horri buruz ezer esaten azaldu du alkateak. Argibideak eskatuko dituzte.