Berdintasun Sailak Astigarragako I. Berdintasun Planaren ebaluazioa egin berri du eta ateratako ondorioen inguruan hitz egiteko eta plan berria martxan jartzeko, bilera deitu du ostegunean. II. Planari begira, hainbat proposamen egin direla azaldu dute eta horiek aurkeztu eta aztertu nahi dituzte. Bilera irekia izango da eta herritarrei dei egiten diete azaltzeko. Arratsaldeko 19:00etan izango da, udaletxeko pleno aretoan.
Ebaluazioarekin, argi asko piztu zaizkiela azaldu dute, benetako berdintasuna lortzeko jarraitu beharreko bidearen inguruan: «Elkarrekin lan egiten jarraitzeko momentua da, beste 4 urtetarako plana garatzeko».