Elkartea ezagutzera emateko eta dirua biltzeko, Pausoka Eguna ospatuko dute gaur, Atsegindegin. Egun osoan izango da zerekin entretenitu, eta paellada ere egingo dute, bazkalorduan.
Gainera, zozketa berezia antolatu du Berriak elkarteak, Pausokari laguntzeko: merkatariek jarritako opariak zozketatuko dituzte. Horretarako, 1.000 tiket jarri dituzte salgai, euro batean. Miguel Lujanbiok eta Jaione kongelatuak dendak dauzkate txartelak. Dendan bertan daukate, baita ere, zozketatuko diren opari sorta zabala, eskaparatean.
Egun osoko festa
Plazan hasiko dute festa, goizeko 10:00etan, eta Atsegindegin jarraituko dute, makina bat ekintzarekin: tailerrak, paellada, Porrotx eta Ane pirata, Laurobaren kontzertua... Paelladarako eta emanaldietarako txartelak, Atsegindegin salgai.
PAUSOKA EGUNA, gaur
10:00, Egunaren hasiera Plazan, aurreskuarekin.
10:30, Kalejira txistulariekin kaxkoan.
11:00, Tailerren irekiera, txaranga eta batukadarekin.
11:30, Tailerrak: kirolak, janari osasungarria, musika, joku kooperatiboak, puzgarriak, tatuajeak eta trentzak.
14:00, Paellada herrikoia. Txartelak salgai Atsegindegin, 4 euroan.
16:30, Berdiniren neskatilak.
17:00, Porrotx eta Ane pirata.
19:00, Laurobaren kontzertua.
*Hiru emanaldietarako txartelak salgai Atsegindegin, 5 euroan.
20:30, Jaialdiaren amaiera.