Aurreko ikasturtean, Parketarrak egitasmoa jarri zuen martxan Astigarragako Herri Eskolako Guraso Elkarteak, Udalaren laguntzarekin, eta gaurtik aurrera, bueltan izango da berriz. Kalean euskeraz jolasteko egitasmoa da. Hau da, jolas saio batzuk antolatu dituzte, kalean eta parkeetan euskera gehiago erabiltzeko. Helburua da, haurretan euskeraren erabilera indartzea eta ikustea, euskera ondo pasatzeko tresna ere badela.
Urriko lau asteazkenetan
Gaurtik hasita, urriko datozen lau asteazkenetan izango dira saioak: urriak 8, 15, 22 eta 29. Eskolako patioan izango dira saioak, 17:00etatik 18:00etara.
Zabu Zibu eta Txirrintxon
Egitasmoa zuzenduta dago 2-5 urteko haurrak dituzten familiei eta 6-9 urteko umeei. Lehenengoentzat, Zabu Zibu izeneko saioa egongo da eta haundienentzat, Txirrintxon saioa.
Egitasmoa irekia da eta ez da eskolako kide izan behar parte hartzeko.