Dantza saio berezia izango da urriaren 18an, larunbata, kiroldegiko frontoian. Errimak oinetan emanaldia eskainiko du Haatik dantza konpainiak: bertsoak dantzatuko dituzte. Gaueko 22:30etan izango da saioa, San Joan Konpartsak antolatuta.
Unai Elizasuk eta Aiert Beobidek zuzenduta, hamar dantzari ariko dira, bertsoei dantzak jartzen; alegia, bertsoek eragiten dituzten sentipen eta emozioak, dantzaren bidez transmititzen.
Sarrerak salgai, 10 euroan
Emanaldia ikusteko, sarrerak salgai daude, 10 euroan: Jaione kongelatuak, Monica mertzeria, eta Oindi eta Garin tabernak. Egun berean ere erosteko aukera izango da, frontoian bertan.