Ez zen borrokarik falta izan atzo Faduran. Hernaniarrak irabazten hasi ziren, eta ondo eutsi zioten lehenengo 20 minutuetan. Baina, deskantsura bitarteko 10 minutuetan despistatuta ibili ziren, eta horrek partiduaren bigarren zatia markatu zuen.
Dominatzen hasi, eta galdu
Partidua hasi eta hirugarren minutuan entsaioa lortu zuen Iñaki Leonetek. Getxok kolpe batekin erantzun zuen, markagailuan aldea txikituz. Baina Maurok beste entsaio bat lortu zuen 14garren minutuan, markagailua 3 eta 10 jarriz, Hernaniren alde. Hortik aurrera, ordea, despistatuta ibili zen Hernani.
Hogeita bigarren minutuan entsaioa eta transformatzea lortu zuen Getxok, eta deskantsuaren aurretik beste bi aldiz egin zuen gauza bera. 29-10 iritsi ziren atsedenaldira.
Bigarren zatian Oier Garmendiak entsaio bat egitea lortu zuen. Baina Getxok beste bi lortu zituen, partidua bukatu aurretik.
Maila aldetik partidu orekatua izan bazen ere, Hernanik ez zuen lortu hain beharrezkoa duen garaipena.