Mundarrok Deustoren aurka jokatu zuen larunbatean eta 4-2 galdu zuen. Hasiera ezinhobea izan arren, ezin izan zuten beste hiru punturekin etxeratu. Zazpigarren minutuan, Beñat Mendibururen gola iritsi zen. Baina pixkanaka, Deustoko erdilarien jokoaren ondorioz, astigartarrak partiduaren kontrola galtzen joan ziren. Atsedenaldira iritsi aurretik, Deustok lehenengo gola sartu zuen, Mundarroko jokalarien hutsuneak aprobetxatuz.
Bigarren zatia antzeko hasi zen eta donostiarrak aurretik jarri ziren. Minutuak aurrera joan ahala, Mundarrok gora egin zuen, eta Oierrek baloia sarera bidali zuen Yorkisen jokaldi azkar baten ostean. Golak sasoia eman zien jokalari moreei eta lan txukuna egin arren, Garin eta defentsen arteko desadostasun baten ondorioz, Deusto aurretik jarri zen berriz. Eta minutu gutxi batzuen ostean, laugarren gola sartu zuten donostiarrek. Egoitz Sayar entrenatzaileak azaldu du, partidu kaxkarra jokatu zutela orokorrean: «Laguntza gutxi, eta nahi baino akats gehiago». Hamaikakoa: Garin, Rios, Manu, Beñat A., Javi (Nogales), Ivan G., Unai (Oier), Borja (Ivan L.), Ibai (Gartzi), Beñat M. (Yorkis) eta Guti.