Lehentasuna duten hamar proposamenak aukeratzeko garaia iritsi da

Hernani erabaki prozesua azken txanpan da. Hernaniko Udalak aurrekontu partehar­tzaile prozesua jarri du martxan, eta 2015eko aurre­kon­­tuetarako 500.000 euroko par­tida aurreikusi du. Hel­bu­rua da, hernaniarrek eraba­kitzea zer egin.
Herritarrek proposamenak egiteko aukera izan zuten uda aurretik, eta guztira 200 jaso ziren. Udalak proposamenak az­tertu eta baloratu zituen u­dan, eta horietako batzuk kan­poan geratu ziren. Arra­zoiak: «batzuk aurreikusita zeu­de­la­ko, beste batzuk diru kopurua gainditzen zutelako edota Uda­laren eskumena ez zirel­a­ko».

70 herritar inguru, iraileko saioetan
Aurrera egin zuten propo­samenak 80 inguru izan ziren. Irailean zehar fase berri bat abiatu, eta herritarrek lehen­tasunak zehazteko aukera izan dute. Hiru saio horietan 70 herritar inguruk hartu dute parte, eta 33 proposamen lehe­netsi dituzte. Ikusgai daude www.kronika.net web orrian, notizi honi erantsita.

Hiru modu, azken hamarrak aukeratzeko
Iritsi gara prozesuaren azken txanpara, definitiboak izango diren 10 proposamenak auke­ra­tzeko garaia da orain. Horre­tarako hiru modu izango dira.
Herritarrek aukeratutako 33 proposamenak etxez etxe ba­na­tuko ditu Udalak, eta galdetegi bat ere bidaliko du, norberak bere 10ak aukeratu ditzan.
Beste aukeretako bat da auzoetan egingo diren bile­retara joatea. Sei bilera egingo dira, eta bertan azalduko dira prozesua eta proposamenen inguruko informazio guztia.
Eta azkenik, internet bidez ere izango da aukera, www. her­nani.net helbidean.

Datorren astetik aurrera
Proposamenak aukeratzeko epea astelehenean hasiko da eta aza­roaren 7a arte egongo da zabalik. Azkenik, au­ke­ra­tu­ta­koak, ikusgai egongo dira azaroan zehar.