Hamar partidu jokatuko dituzte pelotari hernaniarrek, asteburu honetan. Bi txapelketatan ariko dira, gainera: Gipuzkoako Txapelketan binaka, eta 4/5 Txapelketan banaka. Aurreko asteburuan hasi zen Hernanin, 4/5 torneoa, eta beste bost partidu jokatuko dira bihar, 11:00etan kiroldegiko frontoian: Apaolaza-Uitzi, E.Garmendia-Tejedor, J.Garmendia-Oiartzabal, Insausti-Lasa, eta Salaberria-Ezeiza. Gipuzkoakoan, berriz, bost partidu dituzte asteburu honetan. Tartean, nagusien elite mailan, Lizeagak eta Aizpitartek jokatuko dutena, bihar Soraluzen. Txapelketako aurreneko biak irabazita, hirugarrena ere nahi dute hernaniarrek, Soraluzeko bikotearen kontra.