Ospakizunetan murgilduko da Kantuz abesbatza, 2014-2015 ikasturtean. 25garren urteurrena dute, eta ez dute alferrik pasatzen utziko: ekitaldi ugari eskainiko dituzte, ikasturte osoan zehar. Eta horien artean, bat bereziki erakargarria: kruzeroan. Mediterraneoan barrena, bidaia egingo dute kruzero batean. Eta nola ez, emanaldi eder bat eskainiko dute kruzeroan bertan.
Pazkuko astean izango da bidaia, apirilaren hasieran. Egun horietan, abesbatzakoak ez dira bakarrik egongo, Mediterraneoan. Edonork egin dezake bidaia, haiekin batera.
Joan nahi dutenak, hurbildu Hernani Bidaiak agentziara
Interesa duen edonor joan daiteke kruzeroan, Kantuzekoekin batera. Abesbatzak, gainera, herritarrak animatu nahi ditu, beraiekin Mediterraneoan bidaia egitera.
Aukera ederra dute hernaniarrek, bidaia polita eta kantu emanaldi ederra uztartzeko, Pazkuko astean.