Egun ederra bizi zuen atzo, Hernani eta Wukroren arteko harreman estuak. Kirola medio, elkarrekin aritu ziren goiz eta arratsalde, hango eta hemengo gaztetxoak. Eta ondo baino hobeto pasa zuten!
Antziolako atletismo pistan aritu ziren goizean, proba desberdinak egiten, eta merendola ere izan zuten, indarrak berritzeko. Arratsaldean, berriz, frontoia hartu zuten eszenatoki, Ereñotzun. Pelotan aritu ziren, egun ederra borobiltzeko.
Gaur, meza eta bazkaria
Polita izango da gaurko eguna ere. 09:00etan, meza emango du Angel Olaranek berak, Agustinetan. Eta eguerdiko 14:00etan, berriz elkartuko dira denak, elkartasun bazkaria egiteko, Txantxangorri elkartean. Jan-edana izango da gaur, beraz, harremanak sendotzeko tresna.