Emozioa eta esker hitzak, ongi etorrian

Emozioa hitzak definitzen du ondoen atzo Udalean izandako ongi etorriak. Udal ordez­ka­riak zituzten zain Angel Ola­ran eta Wukrotik etorri­ta­ko gaz­tetxoek; baina baita do­zenaka herritar ere. Besar­kadak eta muxuak banatuta, begiak dir-dir batean zituztela hasi zen ekitaldia. Esker hi­tzak izan ziren nagusi; bai Luis Intxauspe alkateak eta bai­ta Olaranek ere. Hernanira iri­tsi bitartean egindako bidea azaldu zuen Olaranek, eta  da­tozen egunetan izango di­ren jardunaldietara ger­tu­ratzeko gonbita egin zieten herri­tarrei. Egun horietan elkarren berri izateko aukera izango dela, gogoratu zuen.

Hitzaldia Olaranek, gaur
Hamabost laguneko taldea etorri da Wukrotik Hernanira, eta astelehenera bitartean, bertan geratuko dira. El­kartasun Jardunaldiak an­tolatu ditu Hernani Wu­kro­rekin GKEk, eta beraz, ekintza dezente izango dituzte, egun horietan. Aurrenekoa, gaur bertan. . Hitzaldia emango du Angel Olaranek Biterin, 19:00­etan. Wukroko egoera eta bertan egiten ari direna jarri­ko du mahai gainean.
Larunbatean, kirol eguna antolatu dute: goizean Antzio­lako pistan izango da giroa, eta arra­tsal­dean Ereñotzuko fron­toi­an. Igandean, meza eman­go du Olaranek Agus­tinetan, eta elkartasun baz­karia ere egin­go dute. Txar­telak gaur salduko dituzte, ferian. Eta azkeneko eguna, astelehena, Hernani Insti­tutuan pasako dute, bertako gazteekin.