Garai bateko Hernani gogora ekarri nahi duenak, aukera paregabea dauka Biterin, egun hauetan. Herriko argazki zaharrak daude ikusgai eta salgai, irailaren 30era bitartean: «Artxibotik, Hernaniko garai bateko argazkiak hartu ditut, eta 20-30eko hamarkadetan bezala koloreztatu ditut», dio Peio Villalba artistak.
Izan ere, konturatu zen Hernaniko argazki zaharrik ez zegoela koloreztatuta: «Donostiakoak asko, baina Hernanikorik ez nuen aurkitu. Eta bazen garaia, bertako argazki zaharrak koloreztatzeko, 1.000 urte bete dituela aprobetxatuz». Horretarako, teknika modernoak erabili ditu: «garai batean, pintzelaz ematen zitzaien kolorea argazkiei; nik tresna digitalak erabili ditut. Baina bi moduetara, lortzen den lana antzekoa da».
18garren eta 19garren mendeko Hernaniko argazkiak ikusteko aukera dago Biterin, 18:00etatik 20:00etara
Argazkiak salgai, 60 euroan
18garren mendearen bukaerakoak eta 19garrenaren hasierakoak dira argazkiak. Biteriko erakusketa aretoan daude ikusgai, 18:00etatik 20:00etara. Gainera, argazkiak erosteko aukera ere badago. Prezioa, 60 euro inguru.