Leihatila bakarra nahi du jarri Udalak, herritarrek egin behar dituzten tramite guztiak bertan egin ahal izateko. Herritarren Harrera Zerbitzua izena jarri diote, eta berehala izango da martxan. Azken hilabeteetan obretan aritu dira Udalean, sarrera egokitu nahian. Obrak bukatu dituzte, eta beraz, atzotik sarreran egiten dira harrera eta erregistro tramiteak. Udaletik jakinarazi dutenez, gutxi falta bada ere, oraindik ez da eskainiko tramite guztiak bertatik egiteko aukera.
Orain arteko ordutegi bera
Ordutegia orain arteko bera izango da: astez, 09:00-13:00 eta 15:00-20:00. Eta hilabeteko aurreneko eta hirugarren larunbatean, 10:00-13:00.