28 gazte epaituko dituzte gaurtik hasita, Espainiako Auzitegi Nazionalean, Segiko kide izatea leporatuta. Tartean da Julen Zuaznabar astigartarra. Seina urteko espetxe zigorra eskatzen du fiskaltzak. Hainbat auzipetuk ez aurkeztea erabaki dute eta Loiolako basilikan (Azpeitia) Aske Gunea sortu dute gazteak babesteko. Gaua han pasa dute. Herritarrei bertaratzeko dei egin diete, gazte horien aurkako atxiloketak espero baitituzte.