Euskal giroak jarrai dezala!

Bukatu da Euskal Jaien sei­garren edizioa. Urtetik urtera in­darra hartzen dijoan festa da, eta aurten gainera, egu­raldi ona gehitu zaio. Jendez gainezka izan dira an­to­la­tutako ekitaldi guztiak.
Atzo­koan, Plaza izan zen es­ze­natokia. Batetik, Sagarra eta Sagardoaren festa an­tolatu zuen ‘Tolarea’ ko­fradiak; ur­teroko tradizioa. Txotx den­bo­ralditik kanpo, hain her­naniarra den ohiturak jarrai­tzaile sutsuak ditu. Sagardo tra­gotxoa edan, pintxo pare bat jan eta giro ederraz gozatzera gerturatu ziren asko, Plazara.
Ordu berean jokatu zuten Tri­kitixa Txapelketa. Lau bi­ko­tek hartu zuten parte, tar­tean, Tolosa ahizpa herna­nia­rrek. Atzo­koan Naiara Man­zi­sidor eta Ju­gatx Oleagak irabazi zuten; bi­garren izan ziren Eneko Arbeo eta Mireia Ibabe; hirugarren, Alai Urdaieta eta Aiala Etxabe; eta laugarren her­naniarrak. Fes­ta asteburu ba­tean izan arren, helburua da giroak urte osoan izatea presentzia Hernanin.