maldan gora hasi du denboraldia Hernanik. Bi arerio gogor tokatu zaizkio denboraldiko aurreneko bi partiduetan. Complutenseko zelaian jokatu zuten atzo, eta etxekoak izan ziren nagusi, 40-15.
Cisnerosek egindako hiru zigor kolpek markatu zuten partidu hasiera. Hernani hortzak estutu, eta dena emateko prest zen. 23’ etorrian zen entsaioa: Leonetek egin zuen, eta gauzatu ostean, 9-7 ziren atzetik. Zazpi minutura, beste hiru puntu egin zituzten trikoloreek, Larretxearen zigor kolpeari esker. Atsedenaldirako gutxi falta zela ordea, madrildarrek egin eta gauzatu zuten entsaioa; 16-10 aurreratu ziren.
Bigarren zatia antzeko hasi zen, entsaio banarekin; Hernanikoa Leonetek egin zuen, baina ez zuten gauzatu; 23-15 ziren aurretik madrildarrak. Eta handik aurrera nagusi izan ziren: zigor kolpea, bi entsaio egin eta gauzatu, eta bonus ofentsiboa lortu zuten. Azken emaitza, 40-15. CRC Pozuelo hartuko du Landaren Hernanik, datorren asteburuan.