Hernaniko hondakinen kudeaketa ezagutzen izan ziren asteazkenean Frantziako Brivela-Gaillarde hiriko ordezkariak: Bernard Longpré alkateordea etorri zen, Briveko mankomunitateko Phillippe Guyo ingeniaria eta Marie Cerlerier kudeatzailearekin batera. Hondakin bilketa orokorrean ezagutzeaz gain, interes berezia zuten organikoa nola bildu eta kudeatzen den ezagutzeko eta auzokonposta nola kudeatzen den jakiteko. Behar zituzten azalpen guztiak jaso zituzten Luis Intxauspe Alkatea, Bego Zuza zinegotzia, Olatz Urrutibeaskoa ingurumen teknikaria, Ainhoa Intxaurrandieta GHKko lehendakaria eta Imanol Azpiroz lehendakari ordearen eskutik.
Gauean bilketa nola egiten zen ere ikusi zuten, eta «inpresionatuta» joan zirela azpimarratu dute Udaleko ordezkariek.