Udalak eta Aranzadik antolatutako planak sekulako arrakasta izan zuen pasa den larunbatean. Arano eta inguruko herrietako 130 bat lagun elkartu ziren Suron, izarrak ikusteko asmotan. Udala oso gustora dago egitasmoak izandako erantzunarekin eta baita Aranzadiko kideak ere. Hori horrela, jarraipen bat emateko asmoa azaldu dute. Gutxienez, urtean behin egin litekeela diote eta hurrengo urtean ere saituko direla antolatzen. Eguraldia ere portatu zen.
Saturno, Andromeda, ilargia...
Gaueko 21:00etan elkartu ziren denak Suron eta Aranzadiko astronomoen azalpenekin hasi zen saioa. Begi bistaz identifikatu daitezkeen elementuak azaldu zituzten: ipar izarra, konstelazioak... Eta ondoren, elkarteko kideek eta herritar batzuk eramandako teleskopioekin, beste hainbat elementu ikusteko aukera izan zen: Saturno, Andromeda galaxia, nebulosak... 23:30etatik aurrera, berriz, ilargia dotore!