Oier Gurutzealde pelotari astigartarra Mexikon dago Trinketeko Munduko Txapelketa jokatzen. Ligaxkako lehenengo partidua Mexikoren aurka jokatu zuten eta galdu egin zuten: 15-10 eta 15-6. Gurutzealde suplente izan zen. Asteazkenean, berriz, Frantziaren aurka jokatu zuten, faboritoen aurka. Artutx eta Gurutzealdek jokatu zuten eta galdu egin zuten: 15-4 eta 15-2. Gurutzealdek Kronikari azaldu dionez, Iparraldeko bikotea zen eta profesionalak: Larrande-Amulet. Atzo, ligaxkako azken partidua jokatu zuten Kubaren aurka eta irabazi egin zuten Garatea-Lukinek: 15-5 eta 15-0. Ligaxkan 3garren geratu dira eta Mexikoren aurka jokatuko dute semifinala, gaur. Garatea eta Gurutzealde ariko dira.