Eskoziako galdeketaren alde, festa

Gure Esku Dagok antolatuta festa giroa nagusitu zen oste­gunean Kaxkoko kaleetan zehar, Eskoziako errefe­ren­dumari babesa erakuste al­dera, eta «laster Katalunian eta Euskal Herrian bide bera egitea lortuko dela» alda­rrikatzeko.
Hainbat herritarrez gain, alderdi politiko eta sindi­ka­tuetako ordezkariak ere izan ziren festan. Besteak beste, EAJko Mikel Gurutzealde, Luis Intxauspe Hernaniko alkatea eta EH Bilduko beste hainbat ordezkari, ELAko Uxue Mingo eta LABeko Javier Hernandez (Hatxe).
Arratsaldeko 19:00etan ha­si zen jaia; Hernani Mu­si­ka Eskolako txistulari eta dul­tzaineroek, eta inguruko gai­te­roek girotuta, pintxo-potean ibili ziren herritarrak Kax­koan. Segidan, Plaza Berri on­doan bildu ziren, bertsoak entzun eta brindisa egiteko.
Bide batez, jakinarazi zu­ten urriaren 8an bilera ireki bat egingo dutela, eta lokal berria dutela, Andre Kalen.