Maite Larburu hernaniarrak eta Josh Cheatham seatledarrak osatzen dute Neighbor taldea, eta gaur gaueko 22:00etan, Ura patrikan diskoa aurkeztuko dute Leokako labaderoan. Tradizio klasikoko musika lantzen dute bi musikariek, baina kasu honetan, folka, bluesa, jazza... nahasten dituzte.
Berdintasun Sailak antolatu du kontzertua, Jabetze Eskolei hasiera emateko. Jakinarazi du errepidea itxiko dela Portura bidean, 21:50etatik 23:30etara.