euskal Jaietan murgilduko dira asteburuan hernaniarrak. Bihar, baserria herrira ekarriko dute. Goizean abeltzaintza azoka jarriko dute Tilosetan: idiak, behiak, zaldiak, ahuntzak, txerriak, untxiak... Aurten gainera, nobedade gisa, artzaintza lanekin lotutako erakustaldia eskainiko dute: ardiak jetzi, ilea moztu, artaldea txakurrarekin batera eta bestera mugitu... Antzinako jokoak, taloak, txakolina, kantu-jira, sardin jatea eta beste hainbat ekitaldi ere izango dira gaur. Eta horien artean, ume jokoak. Kaxko elkarteak antolatuta, Plaza Berrin izango dira aurten: tailerrak, ardi latsarekin lotutako joko eta intxableak (aurkupetan aurreikusita zeudenak ere, Plaza Berrin izango dira).
Artzaintza lanen erakustaldia izango da: ardiak jetzi, ilea moztu, artaldea txakurrarekin batera eta bestera mugitu...
Igandean, segida
Festak igandean izango du segida. Eguerdi partean izango da saltsa; sagarra eta sagardoaren festak markatuko du eguerdi partea. Sagardoa, pintxoak eta musika izango dira Gudarien Plazan; eta Trikitixa txapelketa ere jokatuko da eguerdiko 12:00etan. Tilosetan ere izango da mugimendua; pelota partiduak jokatuko dira, 11:30etan.