Festa eta brindisa, Eskoziako erreferenduma ospatzeko

Hernaniko Gure Esku Dagok erabakitze eskubidearen al­deko festa eta brindisa antolatu ditu gaur. Eskoziak independiente izan edo ez erabakiko du gaur, eta ospatu egin nahi dute: «herritarron ga­raia da, Es­kozian ateratzen den emai­tza baietza edo eze­tza izan, demokraziaren ga­raipena da, herritarron ga­raipena da».
Festa Kaxkoan izango da, 19:00etatik 20:30etara. Es­ko­zia, katalan eta euskal musikak alaituko ditu kaleak, eta ta­ber­netan pintxo po­tea izango da. Anto­latzaileek kamisetekin ger­turatzeko deia egin dute: «Gure Esku Dago ekimeneko kamiseta; edo Es­ko­zia, Kata­lunia edo antzeko me­zuren bat duen edozein».

EH Bilduk bat egin du
Hernaniko EH Bilduk bat egin du ekimenarekin eta herritarrei deia egin die: «autodeterminazioa eta erabakitze eskubidea demokraziaren zutabe ezinbestekoa dira, eta zuen eskubideen alde ateratzeko deia egiten di­zue­gu. Es­ko­ziarrak izango dira au­rrenekoak, Katalanak ondoren, eta hurrengoak gu gara».