«Herritarron garaia da, Eskozian ateratzen den emaitza baietza edo ezetza izan, demokraziaren garaipena da, herritarron garaipena da» lemapean, festa eta brindisa antolatu du Gure Esku Dagok bihar, Kaxkoan barrena. 19:00etatik 20:30etara, Eskozia, Katalunia eta Euskal Herriko musikak alaituko ditu kaleak, eta hainbat tabernetan pintxo potea izango da. Alaitasuna eta erabakitze eskubidearen aldarriak izango dira oinarria. Kamisetarekin gerturatzeko deia egin zaie herritarrei: «Gure Esku Dago, Eskozia, Katalunia edo antzeko kamiseta eta ikurrekin etortzera gonbidatu nahi ditugu».