Emakumeentzkao Jabetze Eskolei hasiera emateko, emanaldi berezi bat prestatu dute Udal Berdintasun Arloak eta Berdintasun Kontseiluak larunbat honetarako.
Gaueko 22:00etan izango da, Leokako labaderoan. Neighbor taldea osatzen duten bi artistek, Maite Larburu her-naniarrak eta Josh Cheatham seattledarrak, Ura Patrikan diskoa aurkeztuko dute.
Folk, blues, jazz...
Antzinako musika klasikoko musikariak dira bi artistak; biolin-jolea, Larburu, eta viola da gamba kontrabajo-jolea, Cheatham.
Baina kasu honetan, gitarra eta ahotsa erabili dituzte gehienbat, kantu propioak egiteko. Folk, blues, jazz, Brasilgo musika eta kantu tradizionaletik hartutako herri kantagintzarekin osatu dute Ura Patrikan diskoa.
Errepide mozketa
Kontzertua dela-eta, udaletxeak jakinarazi du itxi egingo dela Larramendi kaletik Porturako bidea, Leokako labadero parean, gaueko 21:50etatik 23:30etara bitartean.