100 urte atzera egingo du Hernanik

Euskal jantziei hautsa kendu eta kalera, festara ateratzeko egunak izango dira larunbata eta igandea. Izan ere, sei­ga­rren urtez, Euskal Jaiak os­pa­tuko dira Hernanin, orain dela 100 urteko giroa gogora ekar­tzeko.

Artzaintza lanen erakustaldia, nobedadea
Larunbatean, 10:00etan emango zaio hasiera jaiari, Ti­losetan jarriko diren abere azoka eta artzaintza lanen era­kus­ke­ta­rekin. Aurten gai­ne­ra artzaintza lanen era­kustaldia antolatu dute: Ipar Arrindak ardiak jetziko ditu, ilea moztuko die eta artzain txakurrarekin ardi multzo txiki bat nola gidatu era­ku­tsiko du. 11:00etan, be­­rriz, ta­loak dastatzeko au­kera izango da, eta 11:30etan, antzinako jo­koak probatzekoa. Eguerdiko 12:00etatik aurrera, txakolina­rekin eztarria go­xatu, kantu kalejiran aritu eta erraldoi eta buruhaundiekin korri eta salto egin ahal izango da. Segidan, herri-kirolak izango di­ra. Arra­tsaldean, berriz, 17:30etan hau­rrentzako tailerrak izango dira, 18:30etan erromeria, 19:30­etan musika bandaren kontzertua, eta 20:00etan, sardin-jatea.
Igandean, sagarra eta sa­gardoaren eguna ospatuko da. Txistularien dianak esnatuko du herria 09:00etan, eta 11:00etan hasiko da sagardo dastaketa. Gero, pelota par­tiduak izango dira Tilosetan, eta 12:00eta, XVI. trikitixa txa­pelketa, Plazan.