Atzoko estropada, nesketan, Zumaiak irabazi bazuen ere, bi estropadetako denborak gehituta, San Juanek irabazi du aurtengoan Kontxako Bandera. Tartean ziren, arraunean, Ainhoa Saizar ereñotzuarra eta Amets Zapiain astigartarra.
Bestalde, hernaniar gehiago ere aritu dira Kontxan. Amaia Zuaznabar gaztea Orion aritzen da; 4garren egin dute aurten, 38 segundutara.
Mutiletan, Urdaibaik irabazi du aurten Bandera preziatua. Arkaitz Goñi arraunlari hernaniarraren traineruak berriz, Oriok, 4garren egin zuen. Ivan Lopezek, San Juanekin, bosgarren. Donostiarra izan zen azkena, eta bertan aritzen dira Andoni Saizar eta Ion Urretabizkaia hernaniarrak eta Jon Sardon astigartarra.