Bi berrikuntza: errefusa ateratzeko kuboa eta organikoari poltsa jartzeko aukera

Lau urte dira Hernaniko Uda­lak hondakinak atez ate bil­tzen dituela. Berrikuntza as­ko izan dira ordutik: pi­xoi­ha­l be­rrerabilgarriak, olioa bil­tzeko ma­ki­nak, bigarren es­kuko azo­­kak, au­zo­kon­pos­ta... Eta he­mendik au­rrera bes­­­te bi nobedade ere izango di­ra: erre­fusa ate­ratzeko ku­boa eta or­ga­nikoari poltsa edo zorro kon­­­­­postagarria jartze­ko au­kera.

Errefusarentzako kuboak banatuko ditu Udalak
Urritik aurrera errefusa ku­boan atera beharko da. Izan ere, Uda­lak kubo grisak ba­na­tuko ditu irai­la­ren 27-28ko asteburuan. Bat ba­na­tuko du etxebizitzako,   eta bakoi­tzak be­re zintzili­karioan ja­soko du, dagokion pe­ga­tina edo kodi­goarekin.
Kuboek 7 li­tro­ko kabida izango dute, eta barruan poltsa jartzeko au­kera izango da. Erosotasunaz gain, ku­boa banatzearen he­lburue­ta­ko bat da honda­kinak murriz­tea: «7 litroko kuboa nahikoa da etxean astebetean sortzen den errefusa ate­ratzeko. Eta hautsitako plater, edalontzi edo bestelakoren bat ate­ra­tzea suertatzen bada ere, ku­boan sartzeko arazorik ez dago».

Kuboak grisak izango dira, eta 7 litroko edukiera izango dute. Kuboari poltsa jartzea izango da.

«Lan baldintza hobeak»
Berrikuntzaren beste onu­retako bat da, biltzaileei lana erraztea: «zintzilikario­tik ku­boak bildu eta hustutzea erra­zagoa eta erosoagoa da. Beraz, langileen lan baldintzak ere hobetzen dira. Azken finean, larunbateko bilketa asko txu­k­unduko duela uste dugu».

Organikoaren kuboan, poltsa konpostagarria
Herritar askoren beste eskari bati ere erantzuna eman nahi dio Udalak bigarren berri­kuntzarekin: organikoaren ku­boan poltsa edo zorro konposta­ga­rriak erabiltzeko aukera. Orain arte, organikoa gra­nel­e­an atera beharra zegoen. He­mendik aurrera kuboaren barruan poltsa  edo zorroa jartzeko au­kera izango da. Baldintza ba­karra da, pol­tsa kon­pos­ta­ga­rria izatea, hau da, ‘0K Conpost’ zigilua izatea. Poltsa hauek herriko edozein ko­mertzio edo su­per­mer­ka­tue­tan aurki da­itezke, eta ma­terial ezberdinetakoak daude.

Organikoaren kuboan poltsa konpostagarria erabili daiteke. Edozein komertziotan eskuragarri egongo dira. Baldintza da ‘OK Conpost’ zigilua izatea.

Era berean, gogoratu dute konposta egiten dutenek orain arte bezala ateratzen jarraitu behar dutela. Eta horri helduta, Uda­lak azaldu nahi du beraiek ere beti bezala ate­ratzen ja­rrai­tzea­ren aldekoak direla, «kon­post garbiagoa ateratzen baita». Bestalde, pixoihalak egunero bilduko dira, orain arte bezala.

%90era iristea, helburu
Egun hondakinen %80tik gora birziklatzen da Hernanin. Uda­la­­ren helburuetako bat da etor­­kizunean %90era iristea. yy