«Bultzatu nahi da mugitzeko beste modu bat»

Mugikortasun Astea ospa­tu­ko da Hernanin hilaren 13tik 27ra bitartean, Europako Mu­-g­i­­kortasun Astearekin batera. «Aste honetan zehar sustatu eta bultzatu nahi da mugi­tze­ko beste modu bat», azaldu zu­ten atzo Luis Intxauspe a­l­ka­teak eta Mertxe Gomez, Tokiko Agenda 21eko tek­ni­kariak.
«Mugikortasunaren ikus­pe­gitik, lehentasuna eman nahi diegu oinezkoei eta bizi­kle­tan dijoaztenei; gero, ga­rraio publikoari; eta azkenik, kotxeei. Mugikortasun plan jasangarria egin dugu, pertso­nentzako humanoagoa den herria lortzeko».
Zentzu horretan, datozen egunetako ekintzez gain, urtean zehar planifikatu eta egiten ari diren obrak aipatu zituzten.

Autobusa Antziolara, eta kale batzuen norabide aldaketa
Obra horietako bat izan da Ka­ra­bel eta Portu lotu dituen oi­nez­koen eta bizikle­ten­tzako pa­sa­­bidea. «Diputazioak bere zati­ak egiten dituenean, bidegorria lo­tuta egongo da Ur­ni­eta, Her­nani eta Astiga­rraga artean».
Beste bat izan da, Lizea­gatik gora dijoan bide­gorria. «Polemi­koa izan da, beti kal­tetzen baita nor­bait; kasu honetan, ko­txeak. Baina hori da gure filosofia».
Bestalde, martxan dituzte beste bi proiektu. «Hernani al­da­patsua da, eta Zinkoeneatik behera bizi da populazioaren zatirik haundiena. Beraz, Ur­bi­eta kalea eta kiroldegiko sarrera lotuko dituen igo­gai­lua jarriko da, irisgarritasuna errazteko eta herritar horiek zerbitzu publikoetara gertu­ratzeko: anbulatorioa, kirol­degia, autobus geltokiak...».
Azkenik, ostiral honetako Go­bernu Batzordean onartuko da kontratazio prozesua has­tea urte bukaerarako egingo den obrarako: Mendi Mendi­ya­neko pistinen aurreko ka­lea, Txil­li­da, bi norabidetakoa izango da; Ave Maria aurreko kalea, La­tsunbe, kontrako no­ra­bidean joango da (kirol­de­gitik er­tzainetako erro­ton­dara); eta autobus geltokiak jarriko dira ertzainetako erro­tondan, eta Gunea zerbeze­riaren inguruan. «Herritik trafikoa ateratzeko garran­tzitsua da kotxeentzako zir­kuitu zirkularrak osatzea. Horrela, Elkanotik Latsunbera joan ahal izango da kiroldegi aurretik, eta ertzainetako errotondatik Cuesta de La Muertera, edo Antziola kaletik berriro herrira. 2011n egindako trafiko aldaketen ondorioz sortu diren gabezia batzuk konpontzea da asmoa».

Larunbatean bigarren eskuko azoka berezia egingo da: bizikletak, patinak, kaskoak, materiala... saldu eta erosi ahal izango da.

Lau hitzordu
Obra horien helburua da sus­tatzea mugitzeko beste modu batzuk, eta hori landuko da Mugikortasun Astearen ba­rru­an antolatu diren lau zitetan.   
Larunbatean Bigarren Es­kuko Bizikleta Azoka egingo da 10:00etatik 14:00etara Urbieta kalean (eguraldi txarrarekin Atsegindegin). Bizikleta, pati­nak, patineteak, kaskoak... sal­du nahi ditu­e­nak egunean ber­tan entregatu be­harko du ma­te­riala, 09:00e­tatik 10:30e­ta­ra, eta prezioa jart­zeko au­kera izan­go du (gehienez, 300 euro). In­forma­zio gehiago Na­far ka­le­ko Berrer@2 zentroan emango da (berrera2@g­mail.com / 661 331 113 / 682 741 366).
Hilaren 19an, berriz, 17:00e­tatik 19:30etara kirol egokitua egiteko aukera izango da Atse­gindegin, Koxka elkartearen la­guntzarekin.
Hilaren 21ean, Hernanin Bi­zi­kletaz ibiltzeko zirkuitu irekia egin­go da, bidegorriak eza­gu­tzeko, Zikuñagako Ama eta guraso elkarteen laguntzarekin. Era berean, Atsegindegin bide hezikea zirkuitua jarriko da.
Azkenik, hilaren 27an pa­tinetan ibilbidea eta ginkana egingo dira, Karabeleko elkar­tearen laguntzarekin, 10:30etatik 12:00etara. Zirkuitu hau itxia izango da; hasi eta bukatu egin beharko da.
Bestalde, aurrerago oinezko­entzako 4 ibilbide osasuntsu aurkeztuko ditu Uda­lak, parke­etako kirol ma­kinak jartzean.