Juxtu-juxtu bukatu zuen proba Urbietak

Burgoseko Huerta de Rey herrian izan zen larunbatean Alex Urbieta astigartarra, bertako abentura eta orien­tazio raidean parte hartzen. Burgoseko lagun batekin osatu zuen bikotea eta juxtu-juxtu bukatu zuten proba, minutu baten faltan, hain zuzen. «6 orduko proba zen eta 5:59an bukatu genuen. Proban zehar, bi pintxazo izan genituen eta azkenekoan ez genuen izan aldatzeko denbo­rarik ere, gurpil hutsa­re­kin iritsi nintzen helmuga­ra. Eskaladako proba ere utzi egin genuen», kontatu dio Kronikari Urbietak.
Raidetan, kirol desberdi­nak egin behar izaten dituzte parte hartzaileek eta proban zehar banatuta dauden balizak bildu: ahalik eta gehien, denbora gutxienean. Oraingo honetan, 2 km egin behar izan zituzten korrika, 40 km bizikletan, eta ondoren, proba bereziak: trontza, kayak, eskalada...
Denera, 20-25 bat baliza lortu zituzten, eta beraien helburua lortu zutela azaldu du Urbietak: «Lagunartean, ondo pasatzera joaten gara gu eta oso egun pasa ederra egin genuen». Laugarren raida zuen astigartarrak.