asko dira helburu berriak ikasturteka jartzen dituztenak, eta horietako bat izan daiteke, euskera ikasten hastea. AEK euskaltegian zabalik dituzte ateak, ikasi, praktikatu edo tituluren bat atera nahi duten herritarrentzat. Garrantzia haundia ematen diote bakoitzak bere beharretara egokitutako klaseak jasotzea eta hori da aukera hain zabala izatearen arrazoietako bat.
Behar adina aukera
Hasteko, ikasleak aukeratu dezake astean zehar zenbat klase jaso nahi dituen: 2, 3 edo 4. Eguneko zein momentutan jaso nahi diren ere, ikasleak erabakitzen du: goizean, eguerdian, arratsaldean edo iluntzean. Maila guztiak lantzen dituzte: 0, 1, 2 eta 3. Autoikaskuntza nahi duenak AEKn badu aukera: tutoretza eta programazio pertsonalizatuak uztartzen ditu, metodo honek. Talde pertsonalizatuak sortzeko aukera ere badago: euskera ikasten hasteko, dakizuna hobetzeko, testuak egoki idazteko, azterketak prestatzeko, zalantza gramatikoak argitzeko, erabilera okerrak zuzentzeko edo alfabetatzeko. Metodo hau aukeratzen dutenek ere, jarraipen pertsonalizatua dute, tutoretza bidez.
Zilegi Eskolak ere ematen dituzte AEK euskaltegian. Gai ezberdinak landuz, euskera ikasi eta praktikatzeko modu entretenigarria da, azken aukera hau. Eta mintzalagun edo hitzkide metodoa ere eskaintzen dute, euskera praktikatu ahal izateko.
Matrikulazioa egiteko garaia, orain
Ikasturte berrian euskera AEK euskaltegian ikasi nahi dutenek orain dute matrikula egiteko garaia. Hiru modu dituzte: AEKk Larramendi 11n duen lokaletik pasa, hernani@aek.com helbidera idatzi edo 607 592 864 telefonora deitu.
AEKn matrikula egin eta klaseetara joaten diren herritarrek dirulaguntza eskatu dezakete Udalean; %85a arteko laguntza ematen du. y