Lopez, Goñi eta Zuaznabar, Kontxan

San Miguel ligaz gain, Kon­txako Ban­dera izaten da arraunla­rientzat urteko zita in­por­tanteena. Ostegunean jokatu zen sailkapen tanda, eta hiru hernaniarrek lortu zuten aurrera egitea. Gizo­nezkoen lehian bi hernaniar aterako dira: Ivan Lopez San Juanen traineruarekin, eta Ar­kaitz Goñi Oriorekin. Emaku­mez­­koetan, Amaia Zuaznaba­r aterako da Oriorekin.

Emakumeak, lehendabizi
Emakumeen estropada inoiz baino berdinduagoa espero da.  Hibaika, San Juan, Zumaia eta Oriok hartuko dute parte, goizeko 11:00etan hasita.

Gipuzkoarrak, bigarren txandan
Gizonezkoen estropada 12:00­etan hasita jokatuko da, bi txandatan. Au­rreneko tandan ontzi biz­kaitarrak lehiatuko dira: Urdaibai, Kaiku, Cabo da Cruz eta Portugalete. Gi­pu­z­koarrak be­rriz, bigarren txan­dan ariko dira: Orio, Hon­darribia, San Juan eta Donos­tia­rra. San Miguel Ligan Hon­darribia dijoa lider, eta atzetik du Orio. Kontxako badian ordea, edozer gerta liteke!