Plenoa izan zen ostegunean Aranon. Bertan, besteak beste, mozio bat onartu zuten, ETB Nafarroan ikustearen aldekoa. Mozio honen bidez, Udalak eskatzen dio Nafarroako Gobernuari LTD bidez ETB Nafarroa guztian ikusteko bide berriak lantzea eta ETB lehenbailehen ikusteko behin behineko formulak onartzea. Esaterako, egungo ETBren sare analogikoa digitalizatzea. Mozioa bidaliko zaie Nafarroako Gobernuari, Eusko Jaurlaritzari eta ETBko buruei.