Egun haundia dute gaur Zikuñaga eta Latsunbeberri-Marielutsen

Ekainetik festaz festa dabiltza herritarrak. Osiña­gako jaiak dira abiapuntua, eta Txan­txi­llakoak, helmuga. Bidean bi geltoki dituzte asteburu ho­ne­tan: Zikuñaga eta Latsun­beberri-Marieluts.

Egun osoko egitaraua, danborrada tarteko
Asteazkenean hasi ziren festak Zikuñagan, baina egun haun­diak asteburukoak dira. Adin eta gustu guztietarako egi­ta­raua osatu dute, goizean goi­ze­tik. Haurrentzako jolasekin h­a­siko dute eguna. Tortilla lehia­keta izango da ondoren; proba­ketan, sagardo tra­go­txo bat egiteko aukera ere, izango da. Arra­tsal­dean ume­ak izango dira pro­ta­gonista: ur gerra, arku ti­roa eta jolasak antolatu dituzte. Ziku­ña­gako festetako eki­taldi na­gu­sia ere, gaur dute: dan­bor­ra­da. Auzo­tarrak el­kar­tzen di­tuen eki­taldia da hau, festak be­rres­ku­ratu zituzte­ne­tik, iza­era be­re­zi hori ematen dio­n ekitaldia. Iluntzeko 20:00­etan astinduko dituzte dan­borrak, auzoan ba­rren­a. Eta festa eguna bu­ka­tze­k­o, mu­sika izango da: Uru­mea txa­rangak girotuko ditu au­zoko kaleak, eta on­do­ren dan­tzaldia izango da DJ Ra­mo­nekin.
Festetako aurreneko egu­netan leku berezia izan dute txapelketek. Ostegunean joka­tutako partiduetako emait­zak, hauek dira: Pelotan, Ser­gio eta Jagoba Fernandez na­gu­situ zi­ren batetik; eta Xabi Apao­laza eta Unax Uitzi bes­tetik. Botean Dario Barriento izan zen one­na. Tokan, Sergio Fer­nandez. Eta igel jokoan, Alaia Rincon eta Jagoba Fer­nandez. Azkenik, Txanpions Ziku Fut­bolin txa­pelketa, Javi Rincon eta Joxe Andresek irabazi zuten.

Denentzako ekitaldiak
Goizeko 10:00etan egingo du eztanda festa hasierako su­ziriak Latsunbeberri-Marielu­tsen. Umeek denetatik izango dute: jokoak, marrazki lehia­ke­ta, buruhaundiak, in­txable­ak... Eguerdian paella jatera el­kartuko dira au­zo­tarrak. Eta arra­tsaldean txa­pelketak izan­go dira, noiznahi: musa, toka, ping-ponga... Gaua Ze­zen suz­koak argituko du. Eta ginda Txingudi DJak jarriko du. Musika eta martxa izango dira, gorputzak bale esan arte.

EGITARAUA

ZIKUÑAGA

Gaur
11:00 Haurrentzako jolasak.
12:30 Tortilla lehiaketa (12:00ak arte jasoko dira tortillak, lokalean).
Ondoren, sagardo dastaketa.
15:00 Ur gerra.
17:00 Arku tiro erakustaldia.
17:30 Jolasak eskoletan.
20:00 Danborrada auzoan barrena.
23:00 Urumea txaranga.
Ondoren, dantzaldia DJ Ramonekin.

Bihar
10:00 Zikuñagako Amaren omenezko meza (eskoletan).
11:00-12:30 Haurren marrazki lehiaketa.
11:00-13:00 Puzgarriak.
13:00 Haurren esku pelota finalak.
15:00 Apar festa.
16:00-18:00 Puzgarriak.
17:00 Helduen toka, bote eta igel txapelketak.
19:30 Merienda eta txokolatada.
20:00 Dantzaldia DJ Ramonekin.
21:30 Zezensuzkoa, eta azken traka.

LATSUNBEBERRI- MARIELUTS

Gaur
10:00 Auzoko festen hasierako kohetea.
10:00-12:00 Betiko jokoak: zaku lasterketa, altxorraren bila, zinta lasterketa (bizikletan), zapi jokoa eta futbolina.
10:30 Marrazki entrega eta erakusketa, pista polibalentean (saria izango da parte hartzen duten guztientzat).
10:30 Esku pelota, II. Iturritxo Elkartea txapelketa.
12:00 Trikitilari eta buruhaundiak auzoan barrena.
13:00 Sari banaketa, pistako
oholtzan.
14:00 Paellada gazte eta helduen­tzat, pistan. Txartelak salgai daude, Latsunbe, Gailur eta Inaxi okindegietan.
16:30-19:30 Intxableak eta kamalastikak, pistan.
17:30 Mus txapelketa pistan. Apuntatzeko: txosnan, ostiralean eta larunbatean.
17:30 Ping-pong txapelketa auzoko tenis pistan. Izenematea zabalik, Auzo Elkarteko buzoian datuak utziz.
19:00 Toka txapelketa pistan polibalentean.
19:30 Txokolatada, pistan.
20:00-02:00 Musika Atarrabiyoko oholtzan: Txingudi Deejays.
00:00 Zezensuzkoa.
00:05 Fagollaga jatetxean bi afariren zozketa, saldutako boletoekin.

Bihar
11:00-12:00 Patata tortilla lehiaketa (entrega pistako txosnan).
Sariak:
-2 afari Latsunbe tabernan.
-2 afari Tranbia tabernan.
-2 afari Ilargi tabernan.
11:00 II. Iturritxo Elkartea pelota txapelketako finalak.
11:00-13:00 Gozogintza tailerra, Iturritxo elkartean (8 urtetik gorako haurrentzat). Izenematea zabalik, Auzo Elkarteko buzoian parte har­tzailearen datuak utziz.
12:00-12:30 Txapelketara aurkeztu diren tortillen epaiketa eta sari banaketa.
12:00-13:00 Trikitixa.
12:30-13:30 Sagardo dastaketa pistan: Altzueta, Artola, Rufino, Akarregi, Alberro, Elorrabi, Otsuenea, Gurutzeta, Laburu eta Zelaia.
14:00 Festa bukaerako kohetea.