Sei bertsolarik zuten lekua Lizardi Sarian, eta Arnaitz Lasartek ondo irabazita lortu du plaza. Zarauzko Bertso Eskolak antolatzen du Lizardi Saria, eta aurtengoa 18garren edizioa da.
Lasarterekin batera, beste bost bertsolari ariko dira jo eta su: Ane Labaka, Amaia Iturriotz, Imanol Irazustabarrena, Aratz Igartzabal eta Jon Gurrutxaga. Gaueko 22:00etan hasiko da final haundia eta Zarauzko Modelo aretoan jokatuko da.
16ren artean, lehia
Bi kanporaketa jokatu dira final haundiaren aurretik, eta 16 bertsolarik hartu du parte. Arnaitz Lasartek aurkari gogorrak izan zituen bere saioan; parekorik ez ordea, eta saioko irabazle bukatu zuen.