Bartzelonan Diada ospatuko dute datorren astean, hilaren 11n. Hernaniko Gure Esku Dagok autobusa jarri du bertara joateko. Prezioa 45 eurokoa da, eta joan-etorria egun berean egingo da. Goizeko 05:00etan aterako da autobusa eta 20:00etan itzuli. Apuntatu nahi duenak 688 665 045 telefonora deitu behar du edo hernanigureskudago@gmail.com helbidera idatzi. Astelehenera arte dago izena emateko aukera eta autobusa ateratzeko betetzea komeni dela azaldu dute.