Inoiz baino egun gehiago izango dira aurten Zikuñagako Ama patroiaren omenezko festez gozatzeko. Geroz eta arrakasta gehiago dute Zikuñagako jaiek, eta horren seinalea da aurten antolatu duten egitarau zabala.
Futbito trofeoarekin abituko dira gaur, festak. Zikuñagako taldeak Urnietako Xauxar tabernaren kontra neurtuko ditu indarrak, 19:00etan hasita. Bihar ere, kiroletik joango da festa. Frontoi berritua inauguratuko dute 17:00etan; eta ondoren, haurren esku pelota kanporaketa jokatuko da. Toka, bote eta igel txapelketarako tartea ere, izango da bihar. Eta bukatzeko, bihar jokatuko dira gaur hasiko den futbito txapelketako finalerdiak eta finala.
Asteburuan, egun haundiak
Asteburuaren bueltan izango dira festetako ekitaldi nagusiak. Ostiralean barbakoa eta rock kontzertuak antolatu dituzte, besteak beste. Larunbatean ume jolasak, jana eta edana izango dira ardatza. Eta azkeneko egunerako meza, txapelketetako finalak eta dantzaldia antolatu dituzte.
Irailak 3, asteazkena
19:00 Futbito trofeoa: Zikuñaga F.T.-Xauxar taberna.
Irailak 4, osteguna
17:00 Frontoiaren inaugurazioa
Ondoren, haurren esku pelota kanporaketak.
Segidan, haurren toka, bote eta igel txapelketak.
20:00 I. Ziku Txanpions futbolin txapelketa (finalerdiak eta finala).
Irailak 5, ostirala
17:00 Erraldoia eta buruhaundiak.
19:15 Haurren futbito partidua.
20:30 Barbakoa herrikoia.
23:00 Irrintzi lehiaketa.
Ondoren, rock kontzertua: The Zepo, Pandemia eta Dirty Eyes.
Irailak 6, larunbata
11:00 Haurrentzako jolasak.
12:30 Tortilla lehiaketa (12:00ak arte jasoko dira tortillak, lokalean).
Ondoren, sagardo dastaketa.
15:00 Ur gerra.
17:00 Arku tiro erakustaldia.
17:30 Jolasak eskoletan.
20:00 Danborrada auzoan barrena.
23:00 Urumea txaranga.
Ondoren, DJ Ramon.
Irailak 7, igandea
10:00 Zikuñagako Amaren omenezko meza (eskoletan).
11:00-12:30 Haurren marrazki lehiaketa.
11:00-13:00 Puzgarriak.
13:00 Haurren esku pelota finalak.
15:00 Apar festa.
16:00-18:00 Puzgarriak.
17:00 Helduen toka, bote eta igel txapelketak.
19:30 Merienda eta txokolatada.
20:00 Dantzaldia DJ Ramonekin.
21:30 Zezensuzkoa, eta azken traka.