Antzerkia, argazkigintza, pintura, eskulanak, yoga, dantza edo zeramika. Biterin ikastaroren bat egin nahi duenak, orain du momentua izena emateko. Aste honetan egongo da zabalik, apuntatzeko epea, gaur hasi eta ostirala bitarte. Kultur etxean bertan eman behar da izena, ordutegi honetan: goizean, 09:00etatik 13:00etara; eta arratsaldean, 16:00etatik 20:00etara.
Plazak mugatuak dira, eta jende gehiago apuntatuz gero, zozketaz esleituko dira lekuak. Datorren astelehenean bertan egingo dira zozketak, eguerdiko 12:00etan Biterin.
Behin betiko matrikula, irailaren 9tik 16ra
Plaza guztiak esleituta daudenean, matrilulatzeko epea irekiko da. Irailaren 9tik 16era egin beharko da behin betiko matrikula, Biterin, aurrez aipatutako ordutegi berean.
Beharrezkoa izango da kontu korrontearen zenbakia ematea. Izan ere, banku-helbideratze bidez egingo da ordainketa. Horrekin batera, nortasun agiria ere aurkeztu behar da.
Ikastaroak euskaraz egiteko, gutxieneko ulermen maila
Zenbait ikastaro euskaraz emango dira, eta horietan apuntatzeko, ezinbestekoa da euskaraz jakitea edo gutxieneko ulermen maila izatea.