Errugbi omenaldia Landaren

Errugbiko lehia bueltan da Landaren, sasoi berria has­te­ar. Iñaki Quesadaren Oroi­me­nezko txapelketa joka­tuko da gaur. Lau talde ariko dira, eta bi partidu izango dira ikusgai. Hasi aurretik, Quesadaren familiari loreak eskainiko dizkiote, eta haren anekdota eta istorioak kon­tatuko dituzte.
Arratsaldeko 16:00etan jokatuko da aurreneko par­tidua: Za­ra­utz eta Atletico San Sebas­tian ariko dira, el­ka­rren kontra. Eta ondoren, 18:00etan, iritsiko da mo­men­tua Her­na­ni berriro jo­katzen ikusteko. Aurrean, US Nafarroa izango du, Baigorri eta Donibane Garazi tal­deen fusiotik sortua. Fran­tziako Federale 2  txapel­ketako tal­dea da, laugarren mailakoa hain justu.

Ondoren, afari herrikoia
Partiduak bukatutakoan, afa­ri herrikoia egingo dute Atse­gindegin, iluntzeko 20:30­etan. Nahi duten guztiek afal­du dezakete bertan. Txar­telak 10 euroan salduko dira, tor­neoan bertan.