San Miguel izango da aurreneko finalista, Buruz Buruko Txapelketan. 30-20 nagusitu zen Etxeberria IVren kontra, semifinalean. Hirugarren finala izango du, eta hirugarren aukera, orain arte ihes egin dion txapela janzteko. Aurkaria, beste semifinaletik aterako da: Urriza/Uterga.
Irabazi zuen, bai, baina ez zen ondo hasi partidua, doneztebarrarentzat. Peloteoan duen maisutasuna erakutsi zuen Etxeberriak, eta 0-6 eta 7-14 jarri zen aurretik. San Miguelek, berriz, ez zuen asmatzen, ez sakatzen, ez errestoan eta ezta peloteoan ere.
Baina dena aldatu zen, San Miguel hasi zenean sakearekin asmatzen. Hamar tanto egin zituen jarraian, eta horietatik bost sakearekin. Horrela, aurretik jarri zen, 17-14.
Hirugarrenez jokatuko du finala San Miguelek. Beste semifinala, etzi: Urriza / Uterga.
Beste takada bat, eta akabo
Etxeberriak eutsi egin zion tarte batean, eta 20-19 egon ziren, baina San Miguel hazita zegoen: beste zortzi tanto egin zituen segidan, eta partidua erabakita utzi zuen. 30-20 irabazi zuen, sakez 11 tanto eginda.
Beste semifinala, etzi
Urriza edo Uterga izango du aurkaria San Miguelek, txapela janzteko ahaleginetan. Larunbatean jokatuko da bigarren semifinala, eta gaur aukeratuko dute materiala, 12:00etan. Urriza da iazko txapelduna, eta dirua bere alde aterako da, baina ez du lan erraza izango, Utergaren kontra.
Zita nagusiaren aurretik, baina, lau partidu jokatuko dira gaur, 16:00etan Galarretan. Barrenetxea IV banaka ariko da, Endikaren kontra. Beste hiru partiduak: Segurola-Aizpuru III/Otaegi-Zubiri; Zeberio II-Ion/Ezkurra II-San Miguel; Matxin VI-Olazar/ Juanenea-Segurola.