Irailean eta urrian, futbito txapelketa jokatuko da Hernanin. Latsunbeko futbol zelaian izango dira partiduak, ostiral iluntzeetan, 21:00ak aldera hasita. Bi txapelketa egingo dira: emakumeena eta gizonena; talde mixtorik bada, gizonekin ariko da. Apuntatzeko, gutxienez 6 laguneko taldea osatu behar da. Bi aukera dauzkate eskura interesatuek: El Caserio tabernan, astelehenetik ostiralera, 17:30etatik 18:30etara; edo hernanifut5@gmail.com helbide elektronikoan. Talde bakoitzeko, 50 euro dira izenematea.