Buruz Buruko Txapelketak gaur ezagutuko du aurreneko finalista. Julen San Miguelek eta Aritz Etxeberriak jokatuko dute txartel preziatua, 16:00etan Galarretan. Semifinal haundia espero da: San Miguel da faboritoa, baina Etxeberria oso momentu onean dago.
Esperientzia izango du alde San Miguelek. Aritua da horrelako partidu inportanteetan, eta bi aldiz jokatu du txapelketako finala. Baina esperientzia ez du nahikoa izango, Etxeberria IVren kontra. Sasoi izugarrian dabil azpeitiarra, eta torneo haundia egin du, semifinaletara iritsi arte: Aizpuru III, Ion eta Endika kanporatu ditu.
Sakea batek, peloteoa besteak
Sakearekin saiatuko da min egiten, San Miguel: «bera hobeto moldatzen da peloteoan, eta ondo sakatu beharko dut». Horretarako, pelota biziagoak aukeratu zituen atzo. Justu kontrakoa Etxeberriak, pelota motelagoak hartu zituen, peloteoa bilatzeko. San Miguel faborito izan arren, azpeitiarrak ez dio erraz jarriko: «ez daukat ezer galtzeko, baina pena litzateke finaletik kanpo geratzea».
Azken egunotan, arazoak
Sasoi onean daude biak, baina arazoak izan dituzte azken egunotan: San Miguelek bronkitisa eduki du, eta Etxeberriak sorbalda eta besoa kargatuta bukatu zuen final laurdena. Biak errekuperatuta, partidu ederra ikusiko da gaur.