Giro ederrean joan dira Portu auzoko San Joan Txiki festak. Ostiralean hasi, eta atzo bukatu ziren. Hiru egunetan zehar gogotik gozatu dute auzoko eta inguruetako haur, gazte, heldu eta zaharrek.
Atzo bertan, txistulariek esnarazi zuten auzoa. Meza izan zen ondoren, eta segidan, pelota partidu ikaragarria: Ander Leiza eta Unax Huizik irabazi zuten, Xabier Apaolaza eta Oinatz Insaustiren kontra.
Urnietarrak irabazi du aurten ere, 106 plaza eginda.
Eguerdi partean, berriz, bertsolariek jarri zuten giroa, eta sagardoak eta txorixo pintxoek animatu zuten jendea. Toka eta bote txapelketa ere egin ziren, eta goiza bukatzeko, bazkari ederra.
Arratsaldean dantza ikuskizunak eta zaldi dema izan ziren. Ikusmin haundia sortu zuen Paollak Mikel Garaialderi botatako errebantxak, baina aurtengoan ere urnietarra garaile; 106 plaza Garaialdek, eta 92, Paollak.
Fetsak bukatzeko ez ziren falta izan Laiotzekin dantzaldia, zezensuzkoa eta traka.